الرئيسية
تحـية(ن) تخضع لها كـل الارقـاب = تخضع لابو متعب عـسى فـاله الخير
يـارب يـارحـمــن يـا رب الاربــاب = تبطي بحكم اللي عدل واحسن السير
من دون شعبه سيدي ما اغلق الباب = تـواضـعـه كـبـّر مـحـبـتـه تـكـبـيـر
فاروق عصره جدّد عهود الاصحاب= كـنـّه حـكـم مـن بعدهم في الطوابير
سادس خليفه لـو حـسبناهم احساب =مـا فـيـه غـيره ينحسب بعـدهم غير
ياطى على جرحه ولو صار منصاب = لجل المواطن يجبر النـفس ويسير
مـؤمـن بـحـكـم الله مـاهـوب مـرتاب = ويشيل حمل(ن) ما تشيله جماهير
يـضـحـك وفي نفسه من الهم دولاب = ويـغـيـر الـضيـقـات بالظـحك تغيير
حـبـه تـمـلـكـنـا شـبـاب(ن) وشـيـّاب = وغـلاه مـا يكفيه بالوصف تعبير
كـم شـاعـر(ن) قـبـلي تعنّى ولا جاب =مـا اوفـاه حـقـه والثنى فيه تقصير
كـل الــعــرب حـبـوه ابـعــاد واقـراب = وفـي كـل دولـه سـيّر الـخير تسيير
قـومـي ومسلم جامع(ن) كل الاطياب = واذا عـفـا يـبـري الـكـبود المفاطير
اعفى عن اللي تاب من درب الارهاب =واطـلـق سـراحه مثل مايطلق الطير
واعـفـى عـن الاشرار ذولاك الاذناب = اللـي نـوو لـه نـيـة(ن) مـا بها خير
ونـظـم الـقـصـايد قـافها ما بعد شاب = وفـي مـدح ابـو مـتـعـب يجي فيه تطوير
واذكـر ولـي الـعـهـد حّـلال الانـشــاب = سـلـطـان سـلـطـان السعد والتباشير
يـمـنـاه تـعـطـي والـعطى ماله احساب = بـيـر(ن) عميق ولا لها قاع ذا البير
ابـو الـكـرم والـشـعب هم عنده احباب = يـا مـيـر والله والـنـعـم فيك يا امير
واخـص نـايـف طـيـب الـذكـر بـخطاب = خـطـاب عـرفان(ن) بفضله وتقرير
يـسـهـر وجـفـنـه بـالـكرى ما بعد طاب = يـشقى لـجـل يـرتاح في نومه الغير
كـم حـاقـد(ن) هـمـّه يبي يـفـتـح ابواب = عـلـى الـمـواطن ينبش الشر ويثير
لـكـن نــايـف حـطـهـم بـيـن الانـيـــاب = حـر(ن) شـهر بين الحرار المشاهير
هـذي قــيـادتـنــا وحـنـا لـهــا اطـنـاب = حـنـا بـحـر وهــم ســواة الـبـواخـيـر
يـفـداهـم الـشـايـب ويـفـداهـم الـشاب =مـحـبـة(ن) مـاهـيـب تـحـتـاج تـفـسـير
الـمـال يـرخـص كــان لـلـمــال طـلاب = لـجـل الـوطـن مـاعاد تحسب مخاسير
والـروح تبـذل كـان في بـذلها اسباب = ودرب الـشـهـادة مـا يبي شور ومشير
قـلـتـه وانا نايـف عـلـى راس مرقاب= مـا نـيـب ازوّر هـرجـة الـصـدق تـزوير
من لابة(ن) ياسـعد منهم له اصحاب = نـارد حـيـاض الـمـوت ورد ومـصـاديـر
اولاد عـارج خـصمهم صابه ارعاب = ورفـيـقـهـم يـنـسـى كــبـار الــمـعـاسـيـر
واختامها مسك(ن)من الريح جذاب = والـعـود الازرق والــدلال الـمـبــاهــيــر
وصـلاة ربـي عـد من يلبس اثيـاب = عـلـى رسـول(ن) نـور الـعـقـل تــنــوير
وسلامتكم
نايف بن محسن العرجاني
.gif)
