الرئيسية
كانت منار جالسه على السرير ومشاعل جالسه معها يقلبون في المجلات ويسولفون
مشاعل : مناروه خلصتي كل اغراضس
منار وهي ماسكه المجله وطالع الازياء: لا باقي شوي
مشاعل ببتسامه : خلصي معد باقي غير يومين على الحفله
منار ببئس وهي تحط المجله :لا تذكريني يعورني بطني
مشاعل بحزن : يا حرام كيف بعيش بدونس
منار: عادي مثل ما عشتنا يوم تزوجتي
مشاعل : ذكرتيني ابو عبود مروح عبود
مرسال يقول قل لمك ذا القصيده
في ذمتك ياحياتي ماحنيت للي يحبك
في ذمتك مشتقت للي يبي قربك
في ذمتك ماتدري اني مجنون حبك
وفي ذمنتك قدرت تنسا وتوخرني عن دربك
في ذمتك ماتقدر تسامح وتزيد صبرك
منار بشفقه: يا حرام تكفين سامحيه
مشاعل : انا ماصدقت اتخلص منه تقولين سامحيه
منار : عشان عبود
مشاعل بقرف : وش عليه ارجع له على الاسلوب الرائع ولا على الجمال ولا على الاخلاق والا على احترامه لي يخسي ارجعله
منار: كيفس
مشاعل : المهم وش رايس اللبس فستاني الوردي والاسود
منار: اكيد الاسود لأن جسمس طالع حلو فيه
ــــــــــــــــــــــــــــــــــــــــــــ في بيت فهد في الصالهـ ـــــــــــــــــــــــــــــــــــــــــــــ
في الصاله العنود تطالع التي في مسلسل وشاء الهوى ومندمجه معه وليلوه قاطه جالسه تتابع معها وماتدري ويش الخبصه بس ازعجت امها بلأسأله من ذاه وذاك ليه سوى كذا ومن ذي تحب وليه ذاك يصور كنه نوير وويش بيصير وبعد ماملت وبطت كبد امها
انا :يمه باروح للوش عندها بناتها
امي وهي مندمجه : روحي ذابحس الادب تستآذنين
انا بعجب : ان استآذنت استغربتو وان ما استآذن قلتو ليه
امي بستخفاف :لا تاكليني خلاص روحي حبيبتي بنتي الشاطره اللي تستآذن
انا بقهر: اشرهه علي الي معبرتس يمه
امي بضيق : خلاص روحي ازعجتيني
اناوانا رايحه باروح اللبس والروح ورحت فوق لبست بنطلون زيتي مع بلوزه كت زيتيه وعليها بدي طويل الى ركبتي زيتي مع اورنج وافك شعري الي مسويته كيرلي والبس ربطه اورنج واكسسوارات والروح لبيت عمي ناصر ودخلت حصلت للوش ويا بناتها ورنود وشيخوه سلمت وجلست شهد كانت ملامحها بارزه وتشبه اميره محمد ولا بسه لبس عنيف بنطلون جيشي وااااااسع مع بلوزه سودا وشعرها اسود كيرلي قصير الى تحت الذنيها وشكلها مشكلجيه ها البنيه وكانت طويله وجسمها شوي مليان اما سحر كانت كل النعومه اللي في الدنيا موجوده فيها وكانت طويله وشعرها بني غامق مع خصل حمرا وبيج و كاريه الى كتفها وشكلها هااااااااادي مره وكانت لابسه تنوره الى الركبه مع بلوفر كلها سماويه مع بوت اسود الى الركبه وحزام عريض السود واكسسوارات سودا وكاب اسود
للوش : وش رايج في بناتي
انا :بسراحه حلوين مره
شهد : كل ما اكلم مشاري يكلمني عنج انتي والبنات بس اكثر شخصيه عاجبه مشاري انتي
انا : "الخبله هاي شايفتنى رسوم مالت عليها " مشايوه وينه من اخر مره شفته معد جانا تراني عادني زعلانه عليه
للوش: حرام عليج ليلى موب كفايه الظرب اللي خذا من فارس واللي خذا من طلال
انا : لا يستاهل
للوش: عشان خاطري سامحيه ترا ماله وجه يقابلج
انا : عشان خاطرس بس ولا هو ما يستاهل
سحر : كم اخوانج ليلى
انا : 4 ولدين وبنتين وانتي كم اخوانس
سحر : 7 خمس شباب وبنتين
انا : وش هوايتس وش تدرسين
سحر: الدرس ادب انقليزي وهوايتي الرسم
ويستمر الحديث في المدرسه والجامعه والهوايات والمواهب والأمنيات
ــــــــــــــــــــــــــــــــــــــ فوق في الدور الثاني بيت ناصر ـــــــــــــــــــــــــــــــــــــــــ
طلال ومشاري جالسين في الصاله يلعبون بليستيشن وفارس في غرفته
طلال : مشاري من اللي تحت
مشاري : من يعني البنات
طلال : من البنات
مشاري : بنات عماني وخواتي
طلال : خواتك كبار "ياربه يجيب طاري ريما اف اقصد سحر "
مشاري برجاء: اقولك شي بس امااااااااااانه لا تعلم فارس
طلال بحماس: قول موب قايل
مشاري : احلف ترا لا يدري ذبحني
طلال : يا ليل والله والله ما اقول لحد
مشاري : فارس قايلي لا اجيب طاري خواتي عندك
طلال بصدمه : ليه " حسبي الله عليك يا فارس انا ماتمنيت على الله تجي وانت تخرب علي "
مشاري : يقول المفروض الواحد ما يحكي عن خواته قدام الغريب
طلال: افا صرت انا غريب تراني اخوكم
مشاري : بس خواتي موب خواتك بس انا عادي عندي وخواتي مثل بنات عمي وانا عادي اتكلم عن بنات عمي قدامكم بس فارس مدري وش فيه
طلال : خلاص اذا صار فارس موب هني تكلم عادي
ويطلع فارس وبصدمه : طلال
طلال : هاه
فارس : موب قلت لي انك بتروح للبر وموب جاي إلا بكره
طلال : هونت "روحي وحياتي موجوده...... تبطي "
فارس: ليه
طلال : مدري بس حسيت نفسي تعبان قلت موب رايح
فارس : خلاص تروح معي نتمشى
طلال : لا مالي نفس
فارس : بنروح الستي
طلال : لا
فارس : انزين نروح للبليارد
طلال : لا تعبان
فارس : "هاذا لا يكون يدري خواتي تحت اكيد يدري ولا ما جلس " خلاص نروح بيت جدي
طلال : او كي بس موب مبطين لأني تعبان حدي
فارس : خلاص اللبس وانا بجيك الحين
ونزل فارس تحت ونادى امه
فارس وهو على الدرج: الدخلو في غرفه الجلوس
للوش بستغراب: ليه
فارس : بننزل انا وطلال الحين
للوش: عادي سلمو وروحو
فارس :لالا مابي اسلم ادخلو وبعدين بعد المغرب خلي البنات يروحون لبيتهم
للوش : شفيك من جينى ذا البيت وانت ماتخلي خواتك يطبونه
فارس وهو يرقا : خليهم يسوون اللي قلته وخلاص
وقالت للوش للبنات ودخلو البنات غرفه الجلوس وطلع فارس وطلال
رنود : سحر الرقدي هني وانا برقد معس
سحر:" ليت فارس يوافق " لا ابوي موب موافق
انا : تكفين قوليله
شيخوه : خلا ص اسهري معنى الى الفجر
رنود : وبعدين ما في البيت الاطلال هو اللي تتغشين منه وطلال اكيد سهران برا الى الفجر
سحر: " ياحلو ذا الطاري " لا ما اعتقد ابوي يوافق حتى على السهر
شهد : انا عادي بسهر قلت لبوي وجدتي وبعدين بنتضر ريم لين تجي لأني ابي اتعرف عليها على كلام ليلى شخصيتها تشبه شخصيتي
للوش : لا فارس يقول ان ابوكم مكلمه يوصلكم بدري
شهد : عادي فارس موب مشكله بكلمه اهم شي موب رايحه إلا اذا جات ريم ولميا رنود تكفين كلميهم خليهم يجون
رنود : واكي باكلمهم
واستمر الحديثــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــ
ـــــــــــــــــــــــــــــــــــ فــي بيت الجد وفي المجلس ـــــــــــــــــــــــــــــــــــــــــ
جاسم فارس ووليد نواف جالسين قريب من بعض و جالسين بعيد عنهم شوي طلال فواز وراشد
وليد : فارس شفيك احسك معصب
فارس : لا عادي بس تعبان شوي
جاسم : صدق فارس شفيك
فارس: انتو ماعندكم شغل غيري
جاسم : بسراحه عندي اشغال ما لها اول من تالي بس لأني احبك قاعد ابي اشوف وشفيك
نواف : صدق فارس انت اذ عصبت يوظح على وجهك انك معصب عشان كذا اعترف وش فيك
فارس: والله مافيني شي بس انت جسوم استعديت للحفله حقت الخطوبه
جاسم : اكيد مدري متى بتمر ها اليومين على خير وعقبالكم يارب إلا انت ياوليد
نواف : آآآآآآآآآآآآآآآآآآآآآآآآآآآآآآآآآآآآآمين
فارس: طالعه من قلب
نواف : هاه اكيد لأني خلا ص قررت اتزوج بس العله اخوي خويلد موب راضي يتزوج
فارس : ليه غريبه احسكم يا عيال عماني كبار ولا تزوجتو وبنات عماني كذالك غريبه ليه
نواف : خالد اخوي لأنه هايت يشوف ان الزواج بيحرمه من الوناااااسه وفواز يقول لازم يكون عنده قصه حب قبل الزواج لأنه يشوف افلام واجد اما يوسف كان المفروض متزوج من سنتين بس البنت رفضته وهو متعلق فيها
فارس : من بنات عماني اللي رفضته
نواف : لا بنت خالته وبعدها اذا احد قاله تزوج كنه شاتمه اما طلال اخوك مدري وش علته وراشد مسوي مثل اخوك طلال وانا كل ما قلت لبوي اخطبلي قال خل اخوانك الكبار يتزوجون وذاك الحين فكر انت
شله طلال
راشد : وشفيك مارحت للبر
طلال : تنكت الروح للبر والحبيبه في البيت
فواز : تخسي الحين في بيتكم يا محاسن الصدف
طلال : أي صدف دلوعه اختي قالت انهم بيجون فا هونت وفارس اول ماشافني انصدم على باله اني رحت للبر
راشد : وش قالك
طلال : طلعني من البيت غصب وهاذا هو يراقبني لا الروح البيت واخته هناك
راشد : تكفى الرفع ظغطه شوي وقل انك بتروح للبيت تجيب شي
فواز : ايه تكفى خلني اشوف شكله وهو متورط
طلال : ترا ممكن يتهور ويروح يجيبه لي
راشد : قل انك بتجيب لي أي شي ورح للبيت
فواز : طليل يله قله
طلال : خلاص بقول اني باروح اجيب الاب توب
فواز :يله
ويوقف طلال ويتوجه للباب وينط فارس بسرعه
فارس : وين
طلال : باروح اجيب الاب توب
فارس : خلى مشاري يجيبه
طلال : مشاري راح مع ابوي
فارس: خلاص باروح اجيبه
طلال : لا مايهون علي اتعبك
فارس وهو رايح بدون نفس : تعبك راحه يا اخوي الكبير وراح وطلال رجع يجلس مع الشباب
فواز بوناسه : امانه هد حيله اليوم
طلال : لا ثم معاد يخلي اخته تجي وينقطع قلبي
راشد : وش الفايده تجي وانت موب في البيت
طلال : اهم شي احس انها قربت مني شوي
فواز بحقد: انتقم منه على فعايله فيك
طلال بطيبه : لا خلاص سامحته
راشد : انتقم شوي طيب خله يحس بلقهر
طلال : بيشك فيني وموب مخلي اخته تجي مره ثانيه وذيك الحين موب نافعيني انت وياه
راشد : انزين اخطبها وريح نفسك
طلال : حظي ردي ياخي طلع ابوها مختلف مع ابوي وقال ابوي اصبر لين ينحل الخلاف اللي بينا ونخطبها لك
فواز : ومتى انشاء الله بيحلونه
طلال : مدري بس قريب
ـــــــــــــــــــــــــــــــــــــــــ في بيت ناصر بعد المغرب ـــــــــــــــــــــــــــــــــــــــــ
سحر وهي رايحه : يله بنات باي
شهد : بنزوركم انشاءلله مره ثانيه
ندوي : من اللي بيوديكم
سحر : فارس والحين لا انتآخر عصب يله مع السلامه وطلعت
انا : لا اطولون زورونا مره ثانيه
شهد : حتى انتو زورونا
شيخوه : انشاءلله وبصوت قصير في المشمش باي وراحت شهد وراحو ورحنى يا البنات لغرفه رنود
