الرئيسية
مهوي : لا رنود وش دخلها راضع من جدتي
سلمان : لا عادي يصير اخوهم كلهم
لطوف : يحظه كل ذولا اهله
مشيعل : ولا لزق إلا عندنا وبندم بس الحين مدري وينه عساه مازعل مني وراح بيتهم
تهاني : جدتي كملي مع من رضع بعد
جدتي : من ام عبد الله مرت سلمان مع نوره ورضع مع ام عبد الهادي مرت خالد مع مع بندر ورضع من العنود مع ليلى ورضع من هيا مع مها ورضع من اختي ظبيه مع ولدها مساعد ورضع من مرت اخوي متعب مع بنته حصه اللي توفت واكانه رضع مع احد ثاني والله اني ناسيه
شوي إلا وعادل داخل ويروح له مشعل ركض ويضمه طبعا بضحك
مشعل : وين رحت لايكون زعلت
عادل :لا زعلت ولا شي رحت اجيب شنطتي واغراضي عشاني قررت ارابط عندكم لين نسافر عشان ما تروحون وتخلوني ادري فيكم نذالا
مشعل وهويوخره عنه : وانت من اللي عازمك مع الوجه
عادل: تنكت انا اللي مقترح عليهم نروح تايلند شرايك فيني
انا : عدول تعال طلعت عمي بعد واخوي وانا ما ادري
عادل وهو يجلس : اخوس ادري والعالم داري بسبه خويلد اخوس
اما عمس جديده كيف لا تقولين راضع من جدتس
مهوي : إلا راضع من جدتي شيخه ونااااااااااااسه
عادل :ياليل يعني ابوانكم يصيرون اخواني وجسوم اخوي وليد ها الشايب اخوي لالالالالا موب معترف فيهم
انا : لا والله احمد ربك ان اهلي يقربونلك مالت عليك وبعدين والله لا علم عمي وليد يا البطه السودا
عادل: وليه تعصبين اهلس ذولا معقدين احسهم جايين من العصر الحجري صح مشعل
مشيعل : عشر صحوح ونجمتين
مهوي : مالت عليك ياخساره حليب جدتي
عادل: من زينه كله ملح
انا : هاهاها بايخه
مشيعل : شفيكم تعصبون من الحقيقه بسراحه شبابكم ما ينهضمون كلهم واللي شوي ينهضمون هم اخوانكم لأنهم عيال خواتي
مهوي : ليه ان شاء الله وش فيهم
عادل :نواف مشعل تعالو شوفو لختكم صرفه
وجاء نواف : خير شفيكم على عمري مهوي مزعلينها واكيد انت يا البطه مزعلها
مشعل : ابد علمناها بحقيقتكم وزعلو وبذات اول ما تكلمت فيك عصبت ليلى تقول حش فيهم كلهم إلا نواف "انا انصدت جعل مشيعل الجلطه وش بيقول نواف عني الحين "
مهوي : بعد عمري ليلى على قلبي تدري نواف اغلى الناس عندي وتدافع عنه تساعدني
نواف : وانت ليه تحش فيني
محمد : فاتك يا نواف حش فيك حش خلاك ما تسوا شي واكيد ليلى بتعلم بلبلاوي اللي سمهتا اكيد بتقول لبوها وابوها بيقول لبوك وانت عاد بتروح وطي
نواف بدهش : مشيعل وش قلت والله لا افضحك واعلم خالي سلمان
سلمان : ايه افضحه وافضحهم كلهم كل يوم يحشون فيك وليتهم صادقين يطلعون عليك اشاعات عشان كذا افضحهم تكفى امااانه افضحهم
نواف : خالي شفيك كنك طرار كسرت خاطي بعلمك بقمبله
وينط مشيعل : اههه نوافي حبيبي وحياتي انت ايخسون لا حشيت فيك ولا قلت ولا كلمه حتى اسآل امي والله
نواف : يمه صادق
جدتي : ايه
مهوي : نواف يقولون البطتين ان عائلتنا معقدين وانهم مايضحكون إلا في المناسبات
نواف : من فيهم اللي قول
عادل ومشعل : محد
نواف بمكر : محد
عادل: محمد
شوي وتجي ديما : يبه بله ربط واحد عشا نلعب عليه
وياخذها محمد ويحطها في حضنه : من تبين
ديما : ااابي عادل
عادل: هي انتي مليون واحد قدامس ما تشوفين جعلس العمى وقام وسحب منار من جنب جدتي وجلس وقال : عشان محد يتجرئ ويقرب مني
محمد : لا عطينا غيره
ديما : امممممممممم ايه ابي مشعل
وياخذها ويروح لشباب ونواف جلس
نواف : الحمد الله حسبتها بتقول نواف
النوري :نواف كم عمرك
نواف ناقد : ليه وبعدين انتي وجهس مغسول بمرق موب قايلس المره اللي طافت اذا شفتيني تغشي
النوري بدون نفس عمرها خمس طعش: يا كرهك نوافوه توني صغيره
نواف : لا والله طولي وصغيره وبعدين عبور اختي كبرس وتغشى
مشعل : يا سبحان الله ياخي انتو ناس معقدين ولا البنيه توها صغيره
نواف : لا موب صغيره عجوز
النوري: هي انت توني نونو صح يبه
خالد : ايه ياقلب ابوس توس نونو ولا متغشيه إلا بعد سنتين ونوافو انت لا تعقد بنتي
نواف بستغراب مصطنع : اعقدها
النوري : ايه تعقدني بعقدكم ترا احنى ناس فري موب نفسكم
نواف وهو يتنفس : بطقاق واحنى مستانسين على عقدنا
مهوي : نواف تدري البطه السودا طلع عمنى
نواف : يخسي خالي ويالله متحمله يصير عمي
عادل: اعوذ بالله منكم مابي اصير عمكم ثم الروح السلم عليكم ثم تنشبلي عقده ولا عقدتين صراحه اخاف على نفسي
شوي وتجي مشاعل : محد شاف my sunمر مني ولا انخش
جدتي : وانتي ما عندس إلا ذا السن تلاحقينه موين مراح ولاتلعبين معه
خالد : بسراحه احس مشاعل توها تعيش طفولتها
منار : والله انك صادق ولا رح شف غرفتها ماتقول غرفه وحده قد تزوجت كلها العاب ودباديب لو عبود معها في نفس الغرفه كان قلنا حقت عبود
مشاعل وهي تقاطعها : هي انتي وياه كيفي عندي طفوله متآخره عندكم مشكله وراحت تكمل البحث عن عبود
ويجي محمد يله بنلعب لعبه على كيفكم وكلنا بنلعب حتى امي
وينااديهم كلهم ويوخر الكنب كلها ويفرش فرشه على الارض كبيره ونسوي دائره عووووووده عاد تخيلو كل العائله حتى بزارينهم ونساوينهم
ونجلس انا جنب جدتي وجنبي عدول ثم مهوي ولطوف وعبد الله وعبد الهادي والخ ....
بس احراج الي مواجهني نواف ليته احد غير ه استحي منه ما فلها مع اخوان مهوي الاعند خوالي ولا في البيت ما اعرفهم يالله اسلم عليهم المهم الدائر كبيره وجاب خالي محمد دبه ماي كبيره وحطها في الوسط وحاط بنته ديما جنبها عشان تفرها
ديما : اذا فريتها انا وين الروح
محمد : ابعدي عنها على جنب لين تفرينها مره ثانيه
ديما : يعني انا ما العب معكم
محمد : خلاص بصير انا وانتي فريق انا اللي بآمر وانتي تنفذين اوامرهم
ديما : زين
وتفرها وخالي سلمان هو اللي يامر على بندر
محمد : امر ولا سؤال
خالي سلمان : سؤال طل اكيد امر
بندر : عمي ارفق ترا ممكن انا امر عليك
خالي سلمان : شقلب عشر مرات ولا تغلط في وحده تعيد من جديد
بندر بستغراب : ترا انا موب جاي من سيرك عشان الشقلب
محمد : قم وانت ساكت ديمي لفي الدبه وتجي مشعل يأمر على جدتي
محمد بلعانه : ملغي
مشعل اخو مهوي:موب على كيفك بأمر
محمد بدهشه مصطنعه : تأمر على امي ياقليل الادب
مشعل بلعانه : محد قالها تلعب معنى
محمد : ترا والله لا ادفنك هني
خالي سلمان : خله عادي
عادل: اخرس ثكلت امك ايوها الولد العاق اللعين
محمد : انا ولا سلمان
عادل: اكيد العاق سلمان
سلمان خالي بستغراب : انا ثكلتني امي يا البطه
منار : هي انتو خلصونا وانت مشيعل خلصنا امر
مشعل : ياويلس ياجدتي مني
محمد : خلاص لا تآمر اسأل
مشعل : وانت وش دخلك اسوي اللي ابي
جدتي : خلص صدق وجهك مغسول بمرق وما عندك دم بس هين والله لا اهد حيلك بلوامر اخلص (جدتي عندها دمقراطيه وفااالتها )
مشعل : جدتي محد قالس اللعبي معنى ترا لعب لا تعصبين
خالد خالي : خلصنا عاد
مشعل : مايسوا علي بغير مكاني ولا المره الجايه بتذبحوني
منار: هي ترا بنسحب لعبتك
مشعل : خلوني افكر ويش يناسب جدتي من امر آآآآآآ ايه شلي 3 مراكي فوق بعض ووديها لصاله الثانيه
كلنا انصدمنا
جدتي بعصبيه : لالا غير
مشعل بالعانه : لا هاذا امري وانتي كيفس
وتروح جدتي وكلهم يطالعون مشعل بحقد ومشعل تورط
عبود : الحين موب جايه gghand ma الا بكغه
وتسمعه جدتي : لا بجي الحين هاذاني خلصت لا تلعبون لين اجي وجات جدتي وكملنا وطلع انا اأمر نواف
محمد: يالله امريه
مشعل : انا بغير مكاني
جدتي : لوا ما فيه لين انتقم منك
محمد : اصلاا محد يبي يبدل معك وبعيدن انتي اخلصي امري عليه
النوري: اماااااااااااااااااااااانه ليلى خليه يتغشى ساعه عشان يعرف يهاوشني
انا بحراج : آآآآآآ روح حب راس جدتي
جدتي : لالا خليه يحب يدي
انا : خلاص يد جدتي
ويروح يحب يد جدتي اللي مادتها اول ماقلت الامر
ونكمل وتجي نوره مرت تأمر على مشيعل خالي
نوره : روح لصيدليه جب بامبرز للبيبي حبيب قلبي مزوني
مشعل بعصبيه : لا والله اكد الروح لصيدليه
محمد بأمر : اذلف يله
مشعل راح وهو معصب : هين ابو الشباب زوجس يجيب بزران وانا اتوهق عاد لوه حليب كان احسن شوي
نوره : جب بامبرز بدايه العمر واذا امكن جب معك مصاصه طبيه
ونكمل ياآمر عبد الهادي على لطوف
عبد الله زوج لطوف : ارفق تراها حامل وتراها اختك الكبيره وتراها زوجتي وفي بطنها ضناي فا رجاا اسألها لا تأمر علهيا
عبد الهادي بعناد: عناد فيك روحي جيبي لي عصير من ثلاجه منور اللي في غرفتها وبسرعها
لطوف: هي انت ترا انا اختك مالت عليك والي في بطني بتصير خاله تكفى عبود اسالني لأني لني تعبانه وعاجزه الروح فوق تكفى عبود هداوي حياتي وقلبي وعيوني انت
عبد الهادي : هي تراني عبد الهادي اخوس موب عبد الله قاعده تغزلين فيني
لطوف : باروح اصرفلي وراحت
عبد الله : حسبي الله عليك تعبت حياتي وعمري
عادل: هي انت ترا عندكم بيت لا رحتو هناك تغزلو في بعض هناك
ونكمل وتجي النوري تأمر على ام عبد الله مرت خالي سلمان
النوري : ليلى اعطيس امري واذ جاس امر على نوافوه تعطيني اياه " انا اعجبتني الفكره بسراحه من حرجه من نواف " انا اوكي
النوري : خلاص امري على ام عبد الله
نواف : لالا غش مايصير
محمد: لا يصير امري ليلى
انا : روحي جيبي لي cd مصارعه
ام عبد الله : تنكتين وين اجيب منه
انا : تصرفي موب مشكلتي
ام عبد الله : باروح للبيت اجيب
خالي سلمان : ليلوه غيري حرام تعبين وحده كبر امس عيب
انا : عادي روح انت بدالها
سلمان خالي متورط: هاه لا محد قالها تلعب وراحت وجات نوره من فوق بلعصير لعبد الهادي ونكمل
ويجي الامر لمشعل على جدتي
مشعل بسرعه تكلم : بسآل سوآل عشان راحت جدتي
محمد : نقط
