الرئيسية
وانا في الطريق وانا حسراااااانه على الاخر ناداني عمي وليد الي كان واقف عند سيارته
وليد : تعلي امسكي الباب لين اخلص
انا برتباك : بعدين مشغوله
وليد : تعالي موب مطول
انا : لالا شي ضروري
وليد : اقول تعالي بسرعه وبعدين وش فيس كنس مسويه جريمه
انا : واجيه والله الامر مستعجل ولا يحتمل التآجيل
وليد :يالله امسكي الباب ودخل في السياره وانا ماسكه باب الشنطه ورافعته وهو مدنق في السياره المهم اني ماتحملت وفكيت الباب ودزيت لبيتنا مسرعه مووووووووووت وتوني عند اللفه إلا ويوسف طالع في وجهي واصدمه لين طاح وطحت جنبه واقوم والدز للبيت والروح لاقرب حمام وبعدين رحت لغرفتي وجلست فيها لين انقطع الاسهال وانا افكر شلون انتقم من البقره شيخوه وبعدين رجعت للبنات في بيت جدي وحصلت رنود تكلم الحبيب ولا فيه الامهوي وشيخوه
انا : انتي هناه يا البقره
شيخوه : قلت اجرب فيكم قبل الشباب
انا : وليه ماشربتي معنى
شيخوه : ليه حد قالس اني عبيطه
انا : ايه
شيخوه : من
انا : وجهس العبيط
شيخوه : اذا وجي يقول اني عبيطه اجل وجهس وش يقول
انا : الحمد الله بس مردوده
شيخوه : وجهس يقول كذا
انا : بايخه
شيخوه : شفتي الحقيره اللي انتي مصادقتها
انا : من
شيخوه : منوه
انا : شفيها
شيخوه : تقول ماتبي جسوم وهو الحين تعبان نفسينا
انا : بس وبعيدن احسن جسوم مايستاهل رقه ودلع منى لا وش دراس توس تسآليني عنها
شيخوه : جدتي قالت لي وقالت بعد شي ثاني موب قايلته وترا انتي بتستانسين لأعرفتيه
انا : قولي وش
شيخوه : ترا انا ما تكلم اوردو ما سمعتيني اقول موب قايله
انا : بطقاق موب ظروري
مهوي : انتي الخسرانه
انا : وانتي وش مدخلس عرض
مهوي : لأني ادري
انا : واهون عليس ها البقره تحرني
مهو ي: خير ليه تشتمين بنت عمي
انا : مالت عليس انتي وبنت عمس باروح اواسي جسوم
شيخوه بسرعه :لالالالالا
انا بدهشه : ليه
مهوي : ولا شي بس شيخوه مفهمته انس تشتمينه عند منى لين كرهته
انا : يا الحقيره هو يكرهني خلقه وبعد تشيشينه علي باروح احسن صورتي عنده
رنود : مستحيل تتحسن
انا طنشتهم ورحت غرفه جسوم ودقيت الباب ورد شكله صدق متآثر اول مره ما يطلع من غرفته العاده كلا هايت وقال ادخلي ودخلت وسلمت وجلس على الكرسي قريب من السرير الي هو منسدح عليه
انا : شفيك
جاسم : وش فيني
انا : يقولون انك حزين لأن الخبله منى رافضتك
جاسم : اللي يسمعس يقول كان بينا قصه حب
انا : لا بس غريبه قاعد في غرفتك "بسراحه غريب اليوم مدري وش فيه العاده اذا قربت من غرفته طردني اليوم صاير مسالم اكيد مريض "
جاسم : تعبت من الفره في الشوارع واشتقت لغرفتي وين المشكله
انا : ما فيه مشكله بس استغربت
جاسم : انتي وش عندس جايه
انا : سمعت ان شيخوه مشوهه صورتي عندك وجيت احسنها
جاسم : ليه كانت تتكلم عنس صدق غبيه ما فهمت منها شي
انا : خلاص بدور لك عروس ثانيه
جاسم : لا خلاص
واقاطعه :لا لا تقول تعقدت حسبي الله على منوه جعلها الجلطه الله يخليك تزوج ابي اشوف عيالك قبل اموت صدق انت نحيس وعله وما تنبلع وشايف نفسك علينا ومغرور شوي ومدلع لأنك كنت اخر العنقود وانا كنت انقهر منك لأني اول العنقود وانت اخر العنقود بس ترا احبك وما اكرهلك الخير وبعدين منو منزينها مالت عليها ترفضك الدبه ام شعر عرده الخايبه لو ما انا معها كان اتحداها تخلص اعدادي هي واخوها الاحول ولا جدتها المخرفه كل يوم فاضحتهم حتى خدمتهم ريحتها تطرح الحمار لا ولا اخوها الثاني فاصل من ابتدائي ومعقد علة الاخر مدري وش رافضتك عليه مالت عليها وعلى اهلها بس تكفى اماااااااااااااانه لا تتعقد عشان انسانه تافهه امااااااااااااااانه اه تعبت
جاسم : اقول خلاص انا
واقاطعه : لالالا لاتقول بتنتحر الحقيره منو ترابرتكب فيها جريمه واذبحها لأنها بتحرمني من عمي الوحيد
جاسم : الله ياخذس انا خلاص وتوني بتكلم وسكر ثمي بيده وكمل بتزوج وحده ثانيه
انا :كلللللللللللللللللللللللللللللللللللللللللللللللل لللللللي الف مبروك وعقبال الدكتوراه
جاسم : وشنتي شاربه اليوم
انا : عصير مسويته شيخوه وحططت اصبعها فيه بلغلط وبغى يجيني تسمم
جاسم : اقول شفيها تقط خيط وخيط
انا : ما علينا منهي العرو س حلو ولا جيكره طويله ولا قصيره متينه ولا نحيفه غنيه ولا فقيره تحبها ولا ما تحبها اعرفها ولا ما اعرفها كبيره ولا صغيره تهبل مثلي ولا فضيحه مثل شيخوه موئده مثل نوير ولا خربانه مثل ندوي انت فارس احلامها وهي فتاه احلامك شفيك ساكت
جاسم : انتظرس تخلصين القصيده اللي قلتيها
انا : خلصت يله تكلم ولا اتكلم
جاسم بستخفاف : تكلمي
انا : آآآآآآآآآ هاه حلو
جاسم : حسبي الله على اصبع شيخوه مسوي بلاوي لو دخلت يدها كلها كان متي
انا : يا كرهك جسوم قول
جاسم : الله يعني ما ترعرفين
انا : لا والله مدري تخيل
جاسم : بس بشرط تقولين لي شكلها وتشرحينها لي
انا : لو تبني ارسهما رسمتها بس خلني اول اعرف منهي سعيدت الحظ
جاسم : خالتس منار
انا :"العانس اخيرا بتعرس وبتنفك عقدتها " صدق الله احلى خبر بس هي موافقه
جاسم : اقنعيها مع انها موافقه 70% ويله اشرحي لي شكلها
انا : وش رايك اذا وافقت اشرحها لك بتفاصيل حتى بعلمك ببعض اسرارها
جاسم : اخاف تكذبين علي
انا : لا والله إلا متى بيردون خوالي عليكم
جاسم : قالو يومين ومدري
انا : طيب متى العرس اذا وافقت
جاسم :اقرب وقت
انا : ونااااسه لو تجي مناروه معنى
جاسم : اولا اسمها منار واحترميها لأنها خالتس و وزوجت عمس ثانيا من قال اني بخليها عندكم عشان القاها كل يوم في مشكله
انا : ياسلام خالتي وانا احق منك فيها
جاسم : خلاص لكل حادث حديث بس هي حلوه
انا : حلك بطنك لا وافقت يصير خير
جاسم : خلاص ضفي برقد
انا : مالت عليك والله لا اشوه صورتك عند خالتي منو وطلعت قبل اسمع رده ورحت للبنات وكملت اسهره معهم وبعيدن رقدت عند رنود وقعدت الصبح رحت بيتنا وكا العاده لبست وكشخت وقلت لبوي يوديني لخوالي انا ومهوي وودانا الدريول لأن ابوي موب فاضي ورحت لخوالي على الساعه 2 بعد الظهر ودخلت وحصلت كل البزران و كل الشباب عند جدتي في الصاله وعبد الله وسعودعيال خالي سلمان ويابندر وعبد الهادي عيال خالي خالد يلعبون بليستيشن ومشعل ويا طارق وراكان وخالي محمد يلعبون بيلوت والبطه عدول منسدح ويازياد ولد خالي خالد ومشعل اخو مهوي عند جدتي ومنالوه ويا مجود اخوها وعبادي ولد خالي محمد واخته ديما يلعبون كيرم ومعهم نواف اخو مهوي "فالينها " اما البنات كانو جالسين يشجعون اللي يلعبون بليستيشن وهم تهاني وعهود بنات خالي سلمان ومنى وغدير والنوري ولطيفه بنات خالي خالد وسلمت وتوني برقا انا ومهوي لا وجدتي تنادين اجلس معهم
جدتي : شيفس تعالي بلا اخوانس
انا انحرجت ماتعودت اجلس مع الشباب بس عند خوالي عااادي يفلونها مع بعض : لا جدتي باروح فوق
عبد الله : خلاص يله شباب
جدتي : توكم جايين
عبد الله : لا بروح عشان البنات ياخذون راحتهم
منار: اجلس بس معاليك منهم وانتو تاعلو اجلسو شوي
مهوي : خلاص شوي وبنجي
وطلعنا واحنى نتحلف في مناروه ورحت لغرفت مشاعل لقيتها راقده ويا العله عبود
مهوي : موب نازله لين يروحون
انا : ولا انا لوه واحد ولا اثنين كان عادي موب الشله كلهم والبطه السودا معهم ذا ما جاو اهله وبعدين اخوانس بعد معهم وانا استحي منهم اكثر من عيال خوالي
مهوي : حرام عليس تستحين من خواني وعيال خوالي لا
انا : مدري عيال خوال احسهم عادي اما عيال عماني لا نظراتهم غريبه وتحسينهم ما يحبونا نجلس معهم
وجات منار
منار: تعالو الشباب يقولون بيروحون وانا قلت عادي انت موب مستحين منهم
انا : مناروه تراني من حرجه من بندر اذا راح نزلت
مهوي : وانا بعد
منار :وييييييييه نسى من زمان
انا : صدقتس
مناروه : ترا لا يروحون الشباب ياويلكم مني
مهوي : ليه ان شاء الله
منار : ماصدقت على الله يتجمعون تجون تفركشون الجمعه
انا : خلاص بنجلس لين يروحو وبعدين احد يجي الظهر كنهم شياطين
منار: علمي نفسس وبعين عساكم ما نزلتو باروح لهم
انا : صدق ما عندس ذوق
منار : انا اللي ماعندي ذوق ولا انتي عادي حتى مهان عليس تكلميني تعتذرين مني
وتوني بتكلم نزلت تحت وخلتني "ياليلي شكلها زعلانه وش بيرضيها الحين " شوي وجات جدتي تنادينا واقنعتنى ننزل ونزلنا وجلسنى مع البنات الي كانو متحمسين مع الشباب
عبد الله : من تشجعون يا بنت خالتي انتي واختي من الرضاع اكيد تشجعوني "مهوي راضعه معهم يعني تصير اخت عيال خالي سلمان بس تستحي منهم "
لطوف : خل منك بنت خالتك وخلك في اختك "لطيفه تصير زوجه عبد الله "
عبدالله بستخفاف : ان شاء الله عمتي
مهوي : اكيد اشجعك
لطيفه : بسألس بنايبه عن عبدالله وانتي من تشجعين
انا : وتوني بتكلم
ويقاطعني بندر: تشجعني تكفير عن الظرب اللي جاني
سعود: صادق تشجع فريقنا صح ليلى
انا انحرجت وبرتباك : لا اشجع عبد الله
لطوف :يا حبيبتي شجعي بندر ترا كل البنات مالت عليهم يشجعون عبدالله
سعود : هي انتي تراني انا وياه فريق يعني قولي شجعي سعود وبندر
بندر : بندر وسعود لأني اكبر منك ياجاهل
سعود : الله اعلم من الجاهل والمصخره
عبد الهادي : جعل حيلكم بنكم
منار: شباب بلعب معكم
عبد الهادي: كم منار عندنا
بندر: خلى نتجمل فيس قبل تختفين
منار انحرجت
انا خلى احرجها شوي بصوت شوي قصير : وافقتي مناروه مبروك وترا جسوم يسلم عليس
محمد : جسوم هاذا من زمان محد توطاه ليه يرسل سلامات لختي
انا : عادي بتصير زوجته
محمد: الحمد الله على نعمه العقل بتصير موب صارت
انا : هي مستانسه صح مناروه
منار انحرجت : لا الله لا يسلم فيس مغز ابره
انا :باوصل لجسوم الرد
عادل: ليلوه تعالي سوي لي مساج
انا : وانت اهلك ما جاو
عادل :إلا جاو من زمان
انا :ووش مقعدك بعد ليه مارحت لهم
عادل : سبحان الله على الحسد وانتي وش حارج على قولت ندوي
مشيعل : ندوي تقول حارج ولا انت مآلفها الحين
عادل : لا هي تقول خلاص بتتكلم بالجالأنه عاجبها
وينط سعود وبصوت عااااااالي : قوووووووووووووووووووووووووووووووووووول
عبد الهادي : ياخي اركد ماشفت
